Medisinsk heimebehandling

I større grad enn tidlegare er det no opna for at spesialisert medisinsk behandling kan skje utanfor sjukehuset, mellom anna i heimen til pasientane, på skule og i barnehage og kommunale institusjonar.

Seksjon for Medisinsk heimebehandling – med 10 tilsette - har som hovudoppgåve å koordinere det som må gjennomførast for å få iverksett medisinsk heimebehandling på ein trygg måte - basert på initiativ teken av legespesialist.

Våre hovudoppgåver omfattar m.a. :

• oppretting av utstyr/varelister basert på søknad frå spesialist, og iverksetting av heimebehandlingstiltak i samråd med rekvirerande avdeling
• koordinerande dialog med helsepersonell i og utanfor helseføretaket
• dialog med pasient og pårørande for planlegging av heimebehandlinga
• oppfølging av heimebehandlingstiltak når det er trong for det, via vårt ambulante team

Heimebasert behandling er eit område i raskt vekst, og ein reknar med auke i trongen for desse tenestene på mellom 10–15 % årleg.

Om lag 6500 menneske i Helse Førde sitt driftsområde (Sogn og Fjordane) får i dag medisinsk heimebehandling. Med tanke på at både pårørande og helsepersonell direkte eller indirekte er involvert i behandlinga, yter vi etter måten tenester til ein stor del av befolkninga i fylket.

Medisinsk heimebehandling kan omfatte dialysebehandling, heimerespiratorbehandling, behandling av søvnapné, langtids oksygenbehandling, behandling av diabetes m.m.

For utfyllande liste over etablerte heimebehandlingstiltak, sjå våre heimesider:

Meir informasjon om ordninga, tenesta og utstyret på medhb.no

- for utfylling av spesialist.