Pust Deg Bedre

Pust Deg Bedre er ein applikasjon som kan brukast både av den lungesjuke, fagpersonell og pårørande. 

• ​For deg som er lungesjuk
  Applikasjonen Pust Deg Bedre lastes ned til din smarttelefon og brukes som et pedagogisk verktøy i din hverdag som lungesyk. Verktøyet inneholder en rekke pusteteknikker som kan hjelpe deg å fjerne slim fra luftveiene og håndtere tung pust. Fysioterapeut kan hjelpe deg å finne de riktige teknikkene for deg. Ved å bruke appen vil du kunne oppleve å ta større ansvar for egen behandling og mestre plagsomme symptom.​
• For fysioterapeutar og fagpersonar​
  Applikasjonen brukes av deg som fagperson for å strukturere behandlingen og styrke din pasient til å kunne hjelpe seg selv. Sammen med pasienten legger du inn anbefalte pusteteknikker i appen som skal hjelpe vedkommende med å håndtere slimplager og tung pust i sin hverdag. Applikasjonen er også en kilde til informasjon og inspirasjon som kan komme til nytte i ditt arbeid med lungefysioterapi.​
• For pårørande
  ​Applikasjonen skal hjelpe din kjære med å mestre sin hverdag. Du kan også, ved hjelp av verktøyet, lære deg mer om behandlingen, slik at du kan være en støttespiller som pårørende. Ved at du får ta del i egenbehandlingen gjennom appen kan du bidra til motivasjon for selvhjelp, samt dele kunnskap med og øke forståelsen for hva din kjære gjennomgår.​

Dersom du er plaga med tungpust og slim som følgje av din lungesjukdom, kan Pust Deg Bedre vere verktøyet for deg. Pust Deg Bedre er ein app der du kan få skreddarsydd ei behandling med pusteteknikkar som hjelper deg å handtere slimplager og andenaud.

Fysioterapeuten din vil hjelpe deg å individtilpasse behandlinga, og vegleie deg i korleis pusteteknikkane skal utførast for å få best mogleg effekt.

Appen illustrerer pusteteknikkane ved hjelp av ei 3D- dukke som er programmert til å puste akkurat slik du er anbefalt å gjere. Du kan dermed utføre anbefalte pusteøvingar saman med dukka, og på den måten bli meir sjølvstendig i å handtere slimplager og andenaud på ein effektiv og skånsam måte.

Med Pust Deg Bedre handterer du plagene forårsaka av din sjukdom når du treng det, akkurat der du er. Verktøyet kan følje med i lomma og takast fram både på fjelltur, på hytta, i båten eller heime i di eiga stove. Dersom det er lenge sidan du har brukt teknikkane og behovet melder seg att, blir det lettare å ta opp att behandlinga på eiga hand ved hjelp av Pust Deg Bedre.

Ved å få hjelp til å handtere slimplager og andenaud på eiga hand, kan Pust Deg Bedre gi auka meistringsfølelse. Målet er at du skal få ei oppleving av større fridom og auka livskvalitet i din kvardag.

Pust Deg Bedre er eit digitalt verktøy som skal hjelpe deg som lungesjuk å handtere slimplager og andenaud. Dersom du strevar med slike symptom, kan applikasjonen vere nyttig for deg.

For å kome i gang, følg desse stega:

1. ​Last ned appen Pust Deg Bedre
   Gå inn i App Store eller Google Play. Søk etter applikasjonen “Pust Deg Bedre”. Trykk “Last ned”. Dersom dette er vanskeleg for deg, kan du få hjelp av nokon du kjenner. Fysioterapeuten din kan også hjelpe deg.​
2. Kontakt fysioterapeut
   Fortell at du er lungesjuk og treng hjelp med å handtere dine symptom. Du treng ikkje tilvising frå fastlege for dette, og kan difor ta direkte kontakt og melde ditt behov. Gje beskjed til fysioterapeut om at du ynskjer å nytte Pust Deg Bedre-appen i di eigenbehandling. På denne måten kan fysioterapeuten førebu seg før du kjem til behandling.
3. Kartlegging av behova dine
   Hos fysioterapeut vil du få undersøkt symptoma knytt til din lungesjukdom, for å finne den beste behandlinga for deg. Du får tips og råd med omsyn til fysisk aktivitet, samt vegleiing i eigna pusteteknikkar for å dempe andenaud og for å lausne, flytte og fjerne slim.
4. Personleg tilpassa eigenbehandling
   Dei pusteteknikkane som er aktuelle for deg vert lagt inn i appen på din telefon av fysioterapeut, og du får grundig opplæring i korleis du skal bruke dei for å få best mogleg behandling. Du kan registrere nytteverdien av eigenbehandlinga under Min Side i applikasjonen. Dette kan vere til hjelp for deg under neste behandling hjå fysioterapeut, då det dannar grunnlaget for samtalen.
5. Pust Deg Bedre!
   Etter å ha fått opplæring i lungefysioterapi og bruk av appen, skal du vere godt rusta til å handtere symptoma dine. Pust Deg Bedre er no ein trygg og tilgjengeleg støttespelar for deg.

I appen finn du 5 metaforar. En metafor har til hensikt å forenkle forklaringa på kva som skjer i kroppen din når du gjer dei ulike pusteteknikkane, og kva prinsipp som gjeld når du skal få opp slimet. Rettleiing av fysioterapeut vil hjelpe deg å forstå samanhengen mellom metafor og lungefysioterapi.

Her kan du lese litt meir om metaforane du vil bli presentert for i appen:

• Huset: «Huset» samanliknar prosessen å lausne, flytte og fjerne sekret i luftvegane med at sekretet i metaforen vart transportert gjennom eit treetasjes hus frå kjellar til loft.
• Vegen: «Vegen» samanliknar det å flytte sekret oppover mot halsen med det å køyre bil på ein veg. Både sekretet og bilen er avhengig av infrastruktur for å komme seg fram.
• Seglbåten: «Seglbåten» samanliknar hastigheita på luftstraumen i lungene med vind i segla på ein båt. Prinsippet for flytting og framdrift er likt for både båten og sekretet.
• Fem om dagen: «Fem om dagen» er ein kort videoanimasjon som gjev gode råd for korleis pasienten kan handtere andenaud i kvardagslege situasjonar.

I appen Pust Deg Bedre ligg det fleire ulike pusteteknikkar som skal hjelpe deg å dempe andenaud og kvitte deg med slim. Her kan du lese litt om dei ulike teknikkane. Det er viktig med rettleiing og tilpassing av eit behandlingsopplegg med dei pusteteknikkane som passar for deg.

På den måten kan du sjølv vurdere kva du treng basert på kva du kjenner i luftvegane dine. I Pust Deg Bedre kan du sjå korleis desse teknikkane skal gjerast og kva som skjer i luftvegane når du gjer dei. Mesteparten av teksten under finn du att i applikasjonen.​

• ​Opne luftvegar
• Dempe andenaud
• Løsne slim
• Flytte slim
• Fjerne slim
• Inhalasjonar
• Samansette drenasjeteknikkar​

Den digitale løysinga er utvikla av spesialfysioterapeut i Helse Førde, Elin Johnsen, i samarbeid med teknologiselskapet Haptiq AS. Pust Deg Bedre ligg i skjeringspunktet mellom fagspesialisering og moderne teknologi, men har eit grensesnitt som sikrar ei god brukaroppleving.

Pust Deg Bedre vert kvalitetssikra og vidareutvikla i nært samarbeid med fleire partar. For å sikre brukarperspektivet, har lungesjuke og kommunale fysioterapeutar i Fjaler, Bremanger og Askvoll kommune bidrege i utviklinga. Det faglege innhaldet er forankra i kunnskapsbasert praksis, og teknikkane i appen er vald ut i samarbeid med spesialfysioterapeut på Sørlandet Sykehus. Landsforeininga for Hjerte og lungesjuke og LHL-klinikken Gardermoen er også viktige bidragsytarar, med deira spesialistkompetanse og nære tilknyting til brukarane.

Økonomiske bidragsytarar for utviklinga av applikasjonen er Helse Vest RHF og Stiftelsen Dam. 

Pust Deg Bedre har vore under utvikling sidan januar 2018, og det vert jamleg jobba med oppdateringar som skal gje deg ei enda betre brukaroppleving. For å få til det, ønsker vi gjerne å høyre frå deg. Du kan gje dine tilbakemeldingar ved å svare på brukarundersøkinga som kjem opp tredje gong du opnar appen, eller via vår e-postadresse: pustdegbedre@helse-forde.no. Dette er heilt frivillig, og vil ikkje påverke ditt tilbod om helsehjelp som pasient.

Denne digitale løysinga er utvikla av spesialfysioterapeut i Helse Førde, Elin Johnsen, i samarbeid med teknologiselskapet Haptiq AS. Pust Deg Bedre er i skjeringspunktet mellom fagspesialisering og moderne teknologi, men har eit grensesnitt som sikrar ei god brukaroppleving.

Pust Deg Bedre kvalitetssikrast og vidareutviklast i nærst samarbeid med fleire partnar. For å sikre brukarperspektivet, har lungesjuke og  kommunale fysioterapeutar i Fjaler, Bremanger og Askvoll kommune bidrege i utviklinga. Det faglege innhaldet er forankra i kunnskapsbasert praksis, og teknikkane i appen er valgt ut isamarbeid med spesialfysioterapeut på Sørlandet sjukehus. Landsforeninga for Hjerte og lungesjuke, og LHL-klinikken Gardermoen er og viktige bidragsytarar, med deira spesialistkompetanse og nære tilknytning til brukarane. 

Økonomiske bidragsytarar for utvikling av applikasjonen er Helse Vest RHF og Stiftelsen Dam. Stiftelsen Dam har også bidrege økonomisk for å utvikle nettsida pustdegbedre.no.

Pust Deg Bedre har vore under utvikling sidan januar 2018, og det blir jamnleg jobba med oppdateringar som skal gje deg endå betre brukaroppleving. For å få det til, ønsker vi gjerne kommentarar frå deg. Du kan sende oss ei tilbakemelding ved å svare på brukarundersøkinga som kjem opp den tredje gongen du opnar appen, eller via e-postadressa pustdegbedre@helse-forde.no. Dette er heilt frivilleg, og vil ikkje påvirke tilbodet ditt om helsehjelp som pasient.

Kontakt

pustdegbedre@helse-forde.no
Helse Førde, Svanehaugvegen 2, 6812 Førde.

PustDegBedre er kompatibel med einingar produsert frå 2016 og nyare. For IOS inneber det Iphone 7 og oppover, medan det for Android er mange fleire modellar og difor vanskelegare å gje ei oversikt over kva modellar som fungerer. Årstal vil vere ein peikepinn på om eininga støttast eller ikkje.

Dersom du har andre problem med nedlasting/innhald i applikasjonen, prøv følgjande:

• Slå av applikasjonar som står på i bakgrunnen. Desse syg datakraft
• Slå telefonen heilt av og på att. Det plar rydde i systemet.
• Oppdater til nyaste operativsystem tilgjengeleg for modellen.
• Avinstaller appen og installer på nytt
• Tillat varslar i telefon-innstillingane
• Viss du framleis vert plaga, kontakt support på pustdegbedre@helse-forde.no
• Helse Vest IKT er systemforvaltar for Pust Deg bedre, men alle henvendingar går via kontaktpunktet pustdegbedre@helse-forde.no